أشعاااااار قاسية جداااا ؟؟

بسم الله الرحــمن الرحيم....

السلام عليكم ورحمه الله وبركاته وبعد

اخواني واخواتي حبيت انكم تتطلعون على هذي الاشعار وانشالله تعجبكم انشالله!!

ماتت امانينا

ماتـت أمانينـا على بـاب ذكراكـ 00 وتصـدعـت جدران صبري على ايديـكـ
عسـى الولـيّ بالهـم والغـم يجزاكـ 00 وعسـى وليـك ميـس من رجاويـكـ
عسـاك ما تهنـى بصبحـك وممسـاك 00 وعسـى الليـالي مرها دووم يكويـكـ
جعـلك تصـاب بعلـة تحـرق شواك 00 تحتـار فيك النـاس والليّ يداويــكـ
جرعتنـي كاس الخيانة بيمنـاك 00 نقضـت عهـدك لعنبـو جـد واليــكـ
روح وأنا بروح ما عـاد شفنـاك 00 روح وأناا بروح ربـي يجازيك
تلقـى مع العالــم شبيهـك وشرواك 00 خـــــــــلاص ياخوان مابيك مابيك

تقليب المواجع

كفا ما مضى ما هو براجع #### و لا يحتاج تقليب المواجع

لانك ما عـرفت الهـم مثلي #### سهرت الليل جافيت المضاجع

و لا جربت حرماني و حزني #### اللي منه غفا بالنوم هاجع

و لا دورت بـحـروف القصـايـد #### و لا قلبت كتبي و المراجع

و لا غنيت مع صوت السهارى #### غريب في بعيد الدار ناجع

تاكد ما جرى لك ما جرى لي #### تاكدي ما مضى مهو براجع

اخطيت حبيبي .. تكفا سامحني ...

أنا مدري وش أحساسك ومدري وش تظننــــــــي

أنا الصادق في عينك كنت صرت الكاذبة الخوانة

أنا اخطيت ماأنكر و لابة عذر يكفينــــــــــــي

سواء أني أحبك حيل وأني دايماً أنسانــــــة

أنأ ادري بمدى جرحك وأدري الحظ جافينـــــي

يطول الوقت ماأخطي و إذا أخطيت كل شي بــان

أناشفت الزهر مايل وظنيتة ينادينـــــــــي

قطفتة يوم ضميتةلقيتة للأسف ذبــــــــــــلان

عرفت أنك زهر عمري عرفت أنك بساتينــــــي

وغيرك قيظ مايروى سراب يشقي العطشــــــان

أنا لو ماحصل ماكان وشو ألى يدرينــــــــي

بأنك ماسواك أنت سكنت القلب والوجـــــدان

أنا آسفة على أعذاري عجزت القي عذر فينـــي

يليق بغلطتي في حقك و يرجع كل شين كـــــان

أحبك كثر أخطائي وأدري أنك تحبنـــــــــي

وأدري لو تفارقنا فلانقدر على النسيـــــان

إذا تقوي على فراقي وبعدي عنك خلينــــــي

أنا مليت من دور الكرارة و لعبت الغفـــــران

قليل العمر يالي أنت دموعك ماتساوينـــــي

حرام أنة يضيع فراق هي من قلها ألأحــــــزان

وبعد كل هالحكي بقولك تكفى يا (ح) لاتخلينـــي

صمت الوداع

فارقت من لاكان ودّي أفارقـه ..... عقب الصلاة وتوّها الشمس شارقه

الفجر يوم الناس تسعى لرزقها ..... أنـا عيوني بازرق الدمع غـارقه

بكى وأنا أبكي يوم وقّفت أودعـه ..... والكـل منّا يذرف دموع حـارقه

سـلّمت ويديني بياديـه ترتجف ..... ويديه بيديني من الخـوف عارقـه

وأقفا وأنا قفيت والصمت حيلتي ..... عز الكـلام ودمعـة الياس فارقه

وحسّيت كن القاع حدري تزلزلت ..... يـوم ألتفتلي وأسـتهلّت غـوارقه

سـرقت من دنياه لـذّات دنيـتي ..... برضـاي سارقني وبرضاه سارقـه

همّي وهـوجاسي وحـبي وغيرتي ..... للي بوسـط القلب ناصـبٍ بيارقـه

وعـوّدت للمطلاع حزينٍ ملتجي ..... والقلب مـّني طـارق الهم طارقــه

ضلعٍ ورا المطـلاع شـوفه يريحني ..... عسـا الحيـا يسقيه لالاح بارقه

كتبت في عاليه حـرفي وحـرفها ..... ورسمت قلب الحب والسهـم خـارقه

ذكرى غـرام مات من قبل ينولد..... بفـراق من لا كـان ودي أفارقــه

قصيدة حب قاسية جدا ...

لا جيت ابنسى واتراجـع واسامحـك
صاحن جروحي واشتكن لي طعونـك

كلك خيانه قول .. وشلـون ابمنحـك
وش موقفك من شخص دايم يخونك !!

اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك

اللي تقوله صح .. لو كنـت جارحـك
(مير) انت غارق للاسف في ظنونـك

وصفك نسيته بس .. باقي ملامحـك
بنهيـك وانهـي بالنهايـه جنـونـك

ماتستحـق امـد (كفـي) واصافحـك
مثلك غلط عمري وابحيـا .. بدونـك

لعبـت دورك شاهـداتٍ مسـارحـك
خدعتنـي واظهـرت خافـي فنونـك

كنت اعتقد .. قلبي هو ابرز مطامحك
اللي يبيـع النـاس لجلـه يصونـك

تعبت اسوق الشوق يمك واصارحـك
اخلصت لك بالحب .. شوفت عيونـك

لكن خسارة صرت غايـة مصالحـك
ياليتنـي ماجيـت .. لحظـه بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتي .. ابمسحـك
هديت صرحـك ثـم طاحـت ركونـك

ولابي عيوني لـو تصـورت تلمحـك
اعلنت موتك .. وانسجن لي كفونـك

وان جيت تطلب .. ترتجيني اسامحك
بهديك طعنه .. مـن بقايـا طعونـك

ليه غبتي .... ؟؟ !!

ليه غبتي ليه حطمتي حياتي **** ليه غيرتي طريقك عن طريقي

ليه يوم اني غمرتك في حناني ****ليه غمضتي عن الشوق الحقيقي

ما عرفتي الياس ويش سوى بحالي **** ما عرف من هو عدوي من صديقي

ما عرف غيرك و لا يملا عيني غير زولك **** يا منى القلب الشفيقي

ما قدرت انساك حتى لو دقيقة **** اذكرك و انسى من اللوعة شقيقي

لولا حبك ما تمسك في وجودي **** يا شبابي يا جديدي يا عتيقي

ما طلبت المستحيل انتي عرفتي **** طلبتي حق العشيق من العشيقي

و كان عزمتي على حرمان قلبي **** اعملي ما كان لافكارك يليقي

روحي الله يسعدك في كل خطوة **** و اطماني حيث انا سدي وثيقي

اتركي لي ذكرى حرمان وروحي ****لايهمك حتى لو صدري يضيقي

مو مهم اموت من حسرة فؤادي **** لجل عينك هان في عيوني حريقي

اشربي كاس الفرح من نبع عيني **** بس اشوفك بالهنا يبتل ريقي

دام انا حبيت من قلبي بضحي **** حتى لو باخذ طريقك عن طريقي

منقوووووول

تحياتي
أحلاهم وأتحداهم